మా లక్ష్యాలు :

1. రక్తదానం చేయడానికి సిద్దపడిన వ్యక్తికి ఉచిత గ్రూపింగ్ చేయించడం :
ఎవరైతే రక్తదానం చేస్తామని స్వతహాగా ముందుకు వస్తారో అలాంటి వారికోసం మేము ఉచితంగా పూర్తి జాగ్రత్తలతో బ్లడ్ గ్రూపింగ్ తెలియ పరుస్తాము. మా వద్ద ఒక్క సారి బ్లడ్ గ్రూపింగ్ కు సిద్ద పడిన వ్యక్తి మరి ఎలాంటి పరిస్థితులలోను తన నిర్ణయాన్ని మార్చుకోరాదు. (రక్తదానం చేసే సంధర్భములో వెనుకంజ వేయడం)



2. రక్తదానం గురించి అవగాహనా కార్యక్రమాలను ఏర్పాటు చేయడం :
మేము పుర్తిగా గ్రామీణ ప్రాంతాలలో నివసిస్తున్నాము, కావున రక్తదానం గురించి ఇక్కడ నివసిస్తున్న ప్రజలకు ఎటువంటి అవగాహన లేకపోవడం వలన, రక్తదానం చేయడం వలన కలిగే మంచి గురించి ప్రజలలో ఎక్కువగా అవగాహనా సదస్సులను జరుపుతుంటాము. ముఖ్యంగా కాలేజి విధ్యార్థులను ఉపయోగించుకుని మా లక్ష్యాలను నెరవేర్చుకోవడానికి అవసరమైన అన్ని చర్యలను తీసుకుంటున్నాము.



3. ప్రతీ గ్రామములోను రక్తదాతలను సిద్దం చేయడం : (క్లోజ్డ్ నెట్ వర్క్) :
ఎదో ఒక ఊరిలో రక్త దాతలను సిద్దం చేయడం వారి సేవలను వినియోగించుకోవడం వలన మేము అనుకున్న లక్ష్యాలను చేరడం సులభ తరం కాదు, అందుకోసం మేము మా మండలములోని అన్ని గ్రామాలలోనూ రక్తదాతలను సిద్దం చేసి తద్వారా ఆపదలో వున్న మనిషికి మా ప్రమేయం లేకుండా వారే తగిన సహాయం అందించుకునేలా చేయాలని నిశ్చయించాము.



4. ప్రాణాపాయ స్థితిలోవున్న వ్యక్తికి రక్తం అందించేందుకు సిద్ధపడిన రక్తదాతకు తగిన పూర్తి జాగ్రత్తలు ఎర్పాటు చేయడం :

మేము నివసిస్తున్న మండలములోని ప్రజలలో ఎక్కువగా బీద కుటుంబాల వారే మా అసొషేయేషన్ లోని సభ్యులు కూడా ఆర్థికంగా వెనుకబడిన వారే కావడం వలన, ఎవరైనా అత్యవసర పరిస్థితులలో వున్న వారికి రక్తం అందించడానికి సిద్ద పడితే అలాంటి రక్త దాతకు ప్రయాణించడానికి అవసరమైన అన్ని జాగ్రత్తలు తీసుకుంటున్నాము.