యువత

ప్రపంచాన్ని విచ్చిన్నం చేయలన్నా, అదే ప్రంపంచాన్ని ఏకతాటిపైకి తేవాలన్నా యువతదే ప్రధాన భూమిక.

ఈ మాటలే స్పూర్తిగా ప్రమాద స్థితిలో, అత్యవసర పరిస్థితిలో వున్న తన తోటి మానిషిని ఆదుకోవలెననే సదుద్దేశ్యంతో అమరాపురం గ్రామము నందు "రాయల్ యూత్ అసోషియేషన్" ఊపిరి పోసుకుంది.

పై వాక్యాలకు మా చిన్న వివరణ : (విచ్చిన్నం చేయడంలో మన పాత్ర)

ఇక్కడ యువత గురించి చెప్పుకోవలసిన ముఖ్యమైన అంశం ఒకటి వుంది :

మన దేశానికి ఒక చిహ్నముంది (కనిపించే మూడు సింహాలు) వీటిని మూడు రకాలుగా మనం వర్గీకరించుకుంటే, మొదటి సింహం ఏమో రాజకీయం, రెండవ సింహం ఏమో అధికారులు, మూడవ సింహం వచ్చి ఉగ్రవాదం, ఈ మూడు సింహాల భవిష్యత్తు కేవలం కనబడని నాలుగో సింహం అయిన యువతదే.

రాజకీయం కోసం : మొదటి సింహం అయిన రాజకీయాలు (నాయకులు) వీరికి మేము ఎప్పుడు వెన్నంటి వుండాలి ఎలెక్షన్ లలో, పార్టి మీటింగ్ లలో, గొడవలలో, మొదలగు సంధర్భాలలో యువతలేనిదే వీరు ఒక్క అడుగు కూడ ముందుకు వేయలేరు అంతెందుకు కాలేజీల్లొ పుట్ట గొడుగుల్లా విధ్యార్థి సంఘాలు వున్నాయంటే కేవలం నాయకుల ప్రయోజనార్థమే కాని యువత భవిష్యత్తు కోసం కాదు. వాళ్ళకు అవసరమైనంత వరకు మనల్ని బాగా ఉపయోగించుకొని వెనక్కి నెట్టేస్తారు.

అధికారుల కోసం : వీరికి యువత అంతగా సహకరించక పోయినా, నిరుద్యోగులపై మాత్రం వీరి కన్ను ఎప్పుడూ వుంటుంది.

ఉగ్రవాదం కోసం :దీని కోసం మనం ఎంత శ్రమిస్తున్నామంటే స్వయాన మనల్ని మనం చంపుకుంటున్నా పక్కవాడిని చంపుతున్నాం. మొత్తం ప్రపంచంలో ఎక్కడైనా తీవ్రవాదం చెలరేగిందంటే అది కేవలం యువత ప్రాధాన్యమే, ఈ రోజు ఓ చోట బాంబు పేలి దాని తీవ్రతకు ఎంతో మంది బలౌతున్నారు, ఈ కేసుల్లో చిక్కినవారందరు కేవలం యువత మాత్రమే కాని ఏ ముసలివాడో మరే చిన్న వయస్సు పిల్లవాడో కాదు.

మరి వీళ్ళందరూ మన దేశ వినాశనం కోసం మనల్ని ఇంతగా ఉపయోగించుకుని వెనక్కు నెట్టుతుంటె వూరికే వండడం తప్ప మరేమి చేయలేక పోతున్నాం.

యువత ముందు చెడు దారిలో ప్రయాణించడానికి ఇష్టపడుతూన్నారు, అందులో గాయం తగిలాకా తన తప్పు తెలుసుకుని ఏం లాభం.

(ప్రపంచాన్ని ఏకతాటిపైకి తేవడంలో మన పాత్ర)

ఇంతగా ఈ మూడు సింహాలు మనల్ని ఉపయోగించుకుని మా ఉనికి లేకుండా చేస్తున్నప్పుడు, ఒక్క సారి ఆలోచించండి ఈ మూడు సింహాలకు బదులు మన దేశానికి చిహ్నంగా కేవలం ఒకే ఒక్క సింహం వుంటే ఎలా వుంటుందో, అంటే దేశానికి రాజకీయాలు వద్దు, అధికారులు వద్దు, ఉగ్రవాదం వద్దు, కేవలం సమ సమాజ శ్రేయస్సు కోరుతు యువత ముందుకు వస్తే మన దేశం ఎలా వుంటుంది.

అదే ఆలోచనతో ఈ రోజు మేము (అమరాపురం లెజెండ్స్) ఏ ఒక్క రాజకీయ అండ, అధికార తోడు, ఉగ్రవాదం జోరు లేకుండా "రాయల్ యుత్ అసోషియేషన్" గా ఒక్కటైనాము. So lets Build a peace ful World